මෙවැනි සැත්කමකදී ගර්භාෂයේ බිත්තියට මැහුම් දමන නිසා එය ශක්තිමත් වෙන තෙක් වසරක් පමණ දරු පිළිසිඳ ගැනීම ප්‍රමාද කිරීම වඩාත් සුදුසුයි. විශේෂ හේතු මත ඔබේ වෛද්‍ය වරයාගේ නිර්දේශය අනුව මාස 6කට පසු දරු පිළිසිඳ ගැනීමට උත්සාහ කරන්න පුළුවන්. 

ඩිම්බ මේරීම සඳහා වෙනත් නික්ෂේපන ඖෂධ වර්ග භාවිතා කර ඔබට සාර්තක ප්‍රතිඵල ලබා ගන්න පුළුවන්. ඔබේ වෛද්‍ය වරයා හමුවී උපදෙස් ලබා ගන්න. 

රුධිර සීනි මට්ටම හොඳින් පාලනය වී ඇතිදැයි පරීක්ෂණයක් මගින් දැන ගන්න පුළුවන්. එය සාමාන්‍ය නම් දරු පිළිසිඳ ගැනීමට උත්සාහ කරන්න‍

ඔබ මෙම කාලය තුල දිනපතා ෆෝලික් ඇසිඩ් මිලි ග්‍රෑම් 5 ක් ලබා ගැනීම සුදුසුයි

මෙයට හේතුව අසාදන තත්වයක් විය හැකියි. වෛද්‍ය වරයෙකු හමුවී ප්‍රතිකාර ලබා ගන්න. මේ ගැන වැඩි විස්තර පහත ලිපියේ දැක්වෙනව. https://www.vog.lk/1000-vaginal-candidiasis.php

බොහෝවිට ඔබට නිරෝගී දරුවෙකු ලැබෙන්න ඉඩ තිබෙනව. කලාතුරකින් ඔබේ පවුලේ සැඟව ඇති ජානමය රෝග තත්වයන් දරුවාට ඇති වීමට අවදානමක් තිබෙන්නෙ. ඒ සියළුම රෝග තත්වය කලින් හඳුනා ගන්න නොහැකි නමුත් සමහර ජානමය රෝග තත්වයන් ගර්භණී සමයේ කරන පරීක්ෂණ වලින් සොයා ගන්න පුළුවන්.